जनचेतनामा कलाकार

धेरैपछि रमाइलो कार्यक्रममा संलग्न हुने मौका मिल्यो । शुकबार हनुमानढोका परिसरमा अपांगतासम्बन्धी जनचेतना कार्यक्रममा देशका महान र उदीयमान चित्रकारले तत्काल चित्र बनाए । नेपाल ललितकला प्रज्ञाप्रतिष्ठान, करूणा फाउन्डेसन र क्रियटिङ पोसिबिलिटिज- नेपालले मिलेर कार्यक्रम आयोजना गरेका थिए । खुला ठाउँमा ठूला कलाकारले चित्र बनाएको देख्दा निकै रमाइलो लाग्यो । ती चित्रहरू कार्यक्रमका अन्त्यमा लिलाम पनि गरिए । ८ वटा विक्री पनि भए । कलाकारहरूले बताएअनुसार नेपालमा चित्रहरू लिलाम बढाबढ भएको यो पहिलो पटक हो रे । सबै स्रष्टालाई यस कार्यक्रममा यसरी उत्साहपूर्वक सहभागी भएकोमा कृतज्ञता प्रकट गर्छु ।